مش وحش فى المجمل فيه افكار حلوة و مهم ان الناس تعرفها و انا استفدت منه و مكتوب بلغة سهلة ممكن توصل لأى حد حتى لو معندوش فكرة مسبقة عن المواضيع دى لكن مكنتش مستمتع الكاتب بينط من فكرة للتانية للتالتة و كل فكرة صفحتين تلاتة بالكتير و دة كان بيشتتنى لأن كل ما اندمج فى موضوع الاقيه خلص و دخل فى اللى بعده و هكذا. الكتاب ده لازم كل الناس تقراااه !! انا نفسي اشتريه لمصر كلها ! شكرا كيرلس بهجت علي العمل العظيم ده
كتاب موضوعه مهم جدا و مكتوب باسلوب ممتع و مفيد
الريڤيو هيكون عامى بما أن الكتاب عامى اصلا
الكتاب دسم جدا و كل نقطه ممكن تتعمل كتاب لوحدها وجبه متكامله و مضمون أكثر من رائع
الكتاب متكامل الأفكار و اتكلم على نقط و مشاكل حياتيه بتواجهنا كتاب تطوير ذات جيد بشكلا ما
طريقه الكتابه مكانتش راقيه بشكل كافى خالص
الطريقه العاميه فى السرد وطريقه الكاتب اللى بتشبه نصائح واحد صاحبك م كاتب بيقدم كتاب تطوير ذات والحقيقه ان ده كان سلاح ذو حدين
الطريقه كانت سايبه راحه مخلياك عارف يسحبك كويس اوى ويخلى الكتاب يشدك كويس وكأن حد من صحابك بينصحك و بيوعظك من غير تعقيد كتير وفلسفه
الطريقه من ناحيه تانيه كنت احبب أن الكتاب يكون فصحى وكان يحتاج لبعض من الرقى اكتر اللى هتقدر تزوده الفصحى طريقه الالقاء أو الكلام مكنش احسن حاجه خالص
/الكتاب كويس جدا و مهم فى مجتمعنا اللى نسى يعنى ايه حقوق شخصيه و حدود فى التعامل الكتاب بيدى دافع كبير عشان ترجع تبنى حدودك اللى اتكسرت بالوقت مع تعاملك مع الشخصيات السامه وهيفيد ناس كتير اوى وفادنى انا شخصيا كتير,
كان لقائى الاول مع كيرلس بهجت وليس الاخير رائع و captivating كعادة الكاتب
Highly recommended! بما إن الكتاب عامي فالريفيو كمان هيبقى بنفس اللغة, .
قررت اقرأه دلوقتي لإن مكتوب بالعامي ووقت طاقتي فيه منخفضة يبقى اسمي ما وقفتش قراءة وفـ نفس الوقت حاجه خفيفة بس هو ما طلعش خفيف خالص كنت أتمنى يبقى في ايموشن بيضحك لحد ما يدمع هنا كمان ما علينا بأحب الكاتب اللي يخلي دماغي تشتغل أفكر وأحلل. . ويا سلام بقى لو الكيميا اللي بينا على نفس الخط. . بالتالي خلاني أرجع أفكر فـ حاجات أربط حاجات أعيد تقييم حاجات. . وكمان عبر عن أفكار في
دماغي وقناعات شخصية بكلمات كانت هربانه مني ما كنتش قادرة أصوغها في جمل يفهمها طرف آخر أو تلخص اللي فـ عقلي.
مشكلتي مع الكتاب تتمثل في أسماء الشخصيات أصحاب الأقوال المستشهد بيها واللي بتتكب انجليزي كذلك عناوين المقالات وبعد المقولات اللي اكتفى بذكرها إنجليزي فقط!
المفروض بما إن الكتاب لغته عامية يبقى على الأقل تستخدم ترجمة عربي لأغلب كلامك وإن كان يفضل كله. . بكل بساطة صفحتين آخر الكتاب وهوامش مكتوب فيها اسم المقال بالانجليزي الأصلي واسم الكاتب بالانجليزي بردو وتخلي كل المحتوى الداخلي للكتاب عربي من عامي لفصحى مش مشكلة
أنا مليت من أسماء المقالات لدرجة إني بقيت اطنش اقرأها. .
المهزأ كلمة صعبة جدا
أنت معاك حق بس ما زال وقعها صعب على النفس. . حتى بعد ما خلصت الكتاب ما زالت بتضايقني لمجرد تذكرها. .
الكتاب مش خفيف أوي زي ما توقعت وفـ نفس الوقت مش فاضي وبدون محتوى مهم نرجع نعيد حساباتنا ونفكر صح. . نخلي نفسنا أولا ثم الآخرين. . وسبحان الله لما يبقى فيه بني آدم أولوية بالنشبة لك.بتخسره. . هو بالاضافة لكل اللي قاله كيرلس لكن عندي قناعة شخصية إنه بيكون درس إفاقة اللي هو مافيش شيءشخص ثابت أو دائم. . أصحى وفوق لنفسك لا توجد ثوابت.
تصادفت أمثلة حية للشخص النرجسي والشخصية المهزأة عاطفيا خلال فترة قراءتي للكتاب. .
لكن اختلف مع الكاتب في نقطة
ما تسمحش أبدا لأي حد في الدنيا إنه يقولك مش عاوزك مرتين
إذا أنا فهمت مقصد الكاتب الصحيح فهو بيقول إن هو تخلى عنك لأي سبب كان خلاص حتى لو حاول يرجع ما تديهوش الفرصة دي اللي سابك مرة هيسابك ألف مرة, . . وما تفكرش في الأسباب وليه وعشان إيه واشمعنه أنا واشمعنه دلوقتي وبالطريقة دي. .
التفسير دا بناء على كذا جزء في الكتاب. . وتجميعة لعقلية ومقصد الكاتب على مدار الكتاب مش الجزئية دي بس. .
عندي فكرة كشخص إن لازم أجيب أخري من الحاجه عشان أقدر اتخطاها بدون ندم أو تردد. . فكرة إن شخص يسيبك في المطلق مثلا بدون مبررات أو أعذار ويختفي فجأة محبطة جدا فلما يظهر وتديه فرصة بس بعد فراق وطاقة سلبية كتير ويرجع يختفي تاني أنت كدا بترمي طوبته بدون ندم أنت أديت الفرصة وعملت اللي عليك لكن هو ما يستحقش دا وما قدروش. . يبقى جزرة وقضمها جحش وتقدر تعديها براحة ورضا نفسي شديد. . بعد طبعا فترة حزن على شخص اعطيته أكثر من قيمته.
مش دايما بنقدر نقاوم من أول مرة بس مش معنى كدا إننا ضعاف بالعكس إنك تواجه نفس الألم أو أشد أكتر من مرة فيه مقدار كبير من القوة هي رغبة اختيارية تمام بس بتكون خطوة لابد منها
وأنت بنفسك ذكرت
you move on when your heart finally understands that there is no turning back,
الانسان بيتجاوز لما قلبه بيدرك أخيرا إن مافيش طريق تاني للرجوع.
فمش دايما كلنا بنفهم وبنقدر نتجاوز من أول مرة. . ودي طبعا مش قاعدة ثابتة ولكن وجهة نظر أخرى تحتمل الصواب. .
استمتعت بالكتاب. . ومش هتكو آخر قراءاتي لكيرلس بإذن الله. .